In`impurtonta tgina per capir nossa cardientscha ein maletgs, simbols e segns.
En quels semuossan la verdad dil Segner e sia relaziun tiel carstgaun
en ina fuorma figurativa.
Tenor Elsbeth Bihler
Nus essan ina gruppa innovativa e motivada e l’educaziun religiusa ei ina impurtonta part da nossa veta. Ella gruppa flessegia ina liunga experienza da preparar e menar atras devoziuns per affons. Il patratg essenzial dallas devoziuns ei da salidar il Segner e tgirar la cuminonza cristiana.
Inagada ad onn sesin nus ensemen per fixar ils datums dallas devoziuns ed il tema che accumpogna nus duront igl onn ora. Las lavurs organisatoricas e da preparaziun vegnan repartidas denter las menadras. Beinduras s’entupein nus era per zambergiar e preparar material per ils affons. Plinavon suonda suenter mintga devoziun ina cuorta sesida per reflectar il decuors e rimnar novas ideas.
Duas menadras ein mintgamai responsablas per la devoziun. Ellas defineschan il cuntegn e preparan la successiun e realisaziun dalla devoziun. Las ulteriures menadras segidan tenor basegns. Da niev ella gruppa sco menadras gidontras havein nus astgau beneventar Annina Venzin e Sabrina Cavigelli.