Historias ord la bibla ed ord la veta da Jesus stattan el center dallas sentupadas culs affons. Enten tedlar, mirar, semover, urar, cantar e zambergiar vegnan ils affons avischinai allas historias che raquentan co il Bab en tschiel e Jesus s’entaupan culs carstgauns.
Mintg’affon survegn ina candeila, la quala accumpogna el duront tut las devoziuns. Uonn porta la candeila in maletg tenor il tema annual: „Curals da Diu“.
Plinavon posseda mintg’affon ina tastgetta ed ina scatla che vegn emplenida cun cartas d’oraziuns, canzuns e maletgs.
Las devoziuns vegnan preparadas a moda adattada per affons che frequentan gl’emprem e secund onn da scoletta, sco era l’emprema, secunda e tiarza classa primara. Ils affons retscheivan tenor giavisch in invit persunal ni in invit via whatsapp als geniturs per mintga devoziun.
Datums dallas proximas devoziuns:
01-11-2026
29-11-2026
10-01-2027
14-02-2027
21-03-2027